將軍澳新都城中心新開嘅拉麵店性價比高

蝦魂 今次要介紹將軍澳新都城中心一期有一間新開嘅拉麵店叫「蝦魂」，佢哋有一個午市套餐好抵食，午市套餐包括有三款指定拉麵揀一款+餃子一份及汽水，價錢都只係$78-$98不等，如果拉麵唔啱自己心水，可以自選其他拉麵，我非常推介紅蝦湯拉麵，蝦嘅湯底濃郁到不得了！ 1.醬油牛骨清湯拉麵（澳洲Prime牛肉）（自家製辣椒醬+$2）（要蔥花）+煎餃子2隻+樽裝芬達橙汁$90（8.5/10） 呢碗醬油牛骨清湯拉麵個牛骨清湯牛味非常濃，入面仲有大約5塊唔鞋嘅澳洲Prime牛肉、竹筍、木耳絲、1舊冬菇等，拉麵好彈牙又掛到汁，唔錯呀！ 煎餃子2隻：餃子煎得好脆，入面係豬肉！ 樽裝芬達橙汁：依家樽裝汽水真係越嚟越難搵到，套餐包埋一枝樽裝汽水，原價單叫都$15，有無人好似我咁覺得樽裝汽水好飲d呢？！ 2.蝦紅湯拉麵（要蔥花）$108（9.5/10） 睇過餐牌就覺得呢個湯底功工序非常多，湯底用咗不同種類嘅蝦熬製，包括有龍蝦、虎蝦、阿根廷紅蝦、日本櫻花蝦等，呢個先焗、炒、煮、熬等多重工序每日新鮮熬煮4小時，配上自家製蝦油醬，先令到呢碗蝦紅湯拉麵好濃好濃，配料分別有3隻好彈牙嘅大蝦、大量好甜嘅蝦米仔、木耳絲、半隻溏心蛋、2塊紫菜等，拉麵好彈牙又掛到汁，好正，非常大推！ 3.自家製阿根廷紅蝦雞肉餃子3隻$48（9/10） 呢個自家製阿根廷紅蝦雞肉餃子連我自己都覺得貴，不過好想試下，原來入面用咗原隻彈牙大蝦，再加埋免治雞肉一齊包嘅餃子，一咬勁多汁，雞肉又唔鞋，好掂！ 4.樽裝忌廉$15（10/10） 依家樽裝汽水真係越嚟越難搵到，單叫$15蚊唔算貴，有無人好似我咁覺得樽裝汽水好飲d呢？！ 2人總共價錢$261 @ebitamashi 個人口味總評分：9.25/10 地址：將軍澳寶琳運亨路1號新都城中心一期2樓241, 250&251號舖 Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #蝦魂#拉麵店#拉麵#將軍澳#新都城中心#香港美食#將軍澳美食#將軍澳好去處#hkig#hkboy#hkfoodie#hkfoodblogger#hkfoodpic#hkfoods#hkfoodshare#dessert#hkdessertshop#food#hkfoodstagram#hkfoodpic#hkigfood#foodiehk#yummy#delicious#foodie#hkfoodieblogger#hkfoodies#wheelchaireatinhongkong#打卡相我攞獎 #社群歎世界 #社群請睇戲